الظلم

بالأمس كان عيد ميلادي الرسمي "بمعني ان ده التاريخ الي مكتوب في شهادة الميلاد مش الحقيقي"
و الأمس ايضا الساعه 7.30 ميعاد اختبار رخصة القياده

مستوايا في السواقه معقول
ده كان تاني اختبار لاني دخلت الاختبار قبل كده و منجحتش
ركبت عربيه الاختبار و مشيت
العسكري ادخل شمال – دخلت -ادخل ال
X
دخلت وانا راجع نزل علي سهم الله نمت مشعارف ايه الي حصل
مفيش مره غلطت في التمرين ده لكن المره دي اللفه وسعت و لمست الرصيف دخلت للرائد و قلتلو و الله الوضع كذا قال روح عيد الاختبار

ركبت مع عسكري تاني
ادخل ال

X

دخلت و خلصته
اطلع الكبري - طلعت و خلصت
ادخل ال 8 - دخلت بس التمرين ده صعب شويه فكنت ماشي بالراحه معجبوش ادخل ال 8 تاني - دخلت و حاولت امش بسرعه علشان اخلص لمست الرصيف و انا خارج

ادخل انتظر في مظله 2
استنيت نص ساعه محدش جه رحتله
قالي و الله انت مستواك محير و انا مش عارف انجحك و لا لا؟
اسبهليت شويه
قلتله طيب ممكن اسأل سؤال هل كل الي بيمتحن هنا بيدخل كل التمارين؟
اجاب بثقه طبعاقال خلاص هيجي صالح يختبرك علشان ينصفك

الاختبار تالت مره مع صالح
المره دي ركب معانا تلاته سعوديين حاجه كده من 16 ل 18 سنه
اطلع
طلعت ادخل ال

X

دخلت و خلصته
ادخل ال 8 - دخلت وخلصت
اطلع الكبري - طلعت
امشي علي طول
هنا افتكرت انه خلاص
قالي عشق فهمتها اقف يعني علشان مفيش حاجه تانيه تتعمل
قالي لا اطلع و عشق التاني - طلعت و عشقت

المهم وقفت العربيه في الاخر و ركب اول واحد من السعوديين
و هنا بدأت معاناتي الحقيقيه
الاول اطلع - طلع
ادخل يسار - دخل
و قف علي جنب اعطني الهويه اعطاه الهويه
الي بعده ركب اطلع - طلع عدي علي الكبري الواد كان هيقف مهو شافني و انا بمتحن و افتكر ان ده هيحصله
قاله لا كمل
كان المره دي هيدخل شمال علي ال 8 قاله لا كمل
وقف اعطني الهويه بالله
الي بعده برضو نفس الحركات مشي خطوتين ووقف و الهويه و يلا يا شباب علي الاشاراتنخلي بالنا ان محدش منهم عمل أي حاجه مجد مشي كام متر و خلاص

المهم مجبش سرتي بصتله و علي وجهي ابتسامه بلهاء منا خلصت كله صح
فين ورقك قلتله مع حلمي و هو نازل من العربيه قابل العسكر الي امتحني و كان محتار في مستوايا
قاله و الله دخلته ال

X

و الدوار و الكبري وخلصهم
قاله خالي بالك لو نجحته المراجعه هاتشوف
انا سمعت الكلمه و مرارتي اتفقعت
طيب تعالي معايا "صالح بيكلمني" دخل علي المشرف و الله هو خلص ال

X

و الدوار و الكبري بس ما عشق التاني و ما عنده سيطره علي عجلت القياده

هنا فاض بيا الكيل
سيطره ايه وعجلت قيادة ايه يا ولاد ال ......
التلت عيال نجحو و مدخلوش ولا حاجه ولا طلعو علي التاني
و انا دخلت كل حاجه و تقولوي سيطره
بدأت اتكلم في كلام من النوع ده
المشرف بدأ يقول اهو شفت بدأت تتطاول انا ما اقدر انجحك سدد الرسوم و عيد الدوره

مرات قليله الي عديت علي موقف ظالم بالطريقه دي
بس دي اول مره لي خارج مصر مع المواقف دي

انهم سمحو لي باعادت الاختبار ده شيء كويس
لكن ان تكون الاعاده بالتعسف ده
و في نفس الوقت يمتحن ناس تانيين نفس الامتحان بالبساطه دي و في نفس الوقت برضو نتكلم عن عدم التطاول و ان كله سيان و المفروض اني اقتنع ده الي مفهمتوش و عقلي مقدرش يستوعبه

انا وصلت لدرجه كبيره من الحيره
اكمل و ادفع الرسوم و ادخل تاني
ولا اكبر دماغي كام شهر و بعدين اروح تاني
و لا اكبر دماغي خالص و انسي الموضوع

طول عمري بكره المواقف الهلاميه الي شبه دي