عم علي و رحلتي مع التعليم
عم علي رجل مصري يؤمن بمبدأ التخصص
هو صاحب محل سندوتشات لكن ليس أي سندوتشات
سندوتشات الفول فقط
المحل يحتوي علي قائمة أصناف قصيرة جدا فهي تتكون من صنفين
سندوتش فول و سندوتش فول بالبيض
له طريقه خاصه في تحضير الفول لم اجدها عند غيره
هو لا يهرس الفول لكنه يضربه في خلاط كبير جدا
و البيض يكون مسلوق ثم يقطع علي الفول
بدأت رحلتي مع سندوتشات عم علي من تانيه ابتدائي
القائمة كانت سندوتش فول 10 قروش و سندوتش فول بالبيض 15 قرش
مره هربت من المدرسه في الفسحه كان في جزء مكسور من السور علشان اجيب السندوتشات و ارجع انا فاكر مصروفي ساعتها كان ربع جنيه كنت بشتري اتنين بالبيض و كان عادي بياخد الربع جنيه مع ان التمن 30 قرش تقدرو تقولو ان اغلب المدرسه كانت بتعمل كده
في اعدادي القائمه كانت سندوتش فول 15قرش و سندوتش فول بالبيض 20 قرش
الحساب كان 40 قرش مصروفي كان نص جنيه بس عم علي كان لازم يرجع البريزه الباقي
في ثانوي المصروف جنيه
و القائمة كانت سندوتش فول 25 قرش و سندوتش فول بالبيض30 قرش
كل فتره كنت بغير المدرسه لكن عم علي كان ديما موجود لان المحل بين المدارس ابتدائي و اعدادي و ثانوي
الاسعار اتغيرت و عم علي كبر و انا خلصت دراسه
لكن طعم السندوش و السعاده الي بكون فيها لما اكل من عنده متغيرتش
يمكن علشان بفتكر و انا لسه 7 سنين و بشب علشان اديله الربع جنيه جايز
الاجازة الي فاتت رحت اكل من عنده معرفتش امسك الضحكه لما قالي طلباتك يا استاذ
استاذ ايه ياعم علي دا انت الاستاذ الوحيد الي فضل موجود من ايام المدرسه
هو صاحب محل سندوتشات لكن ليس أي سندوتشات
سندوتشات الفول فقط
المحل يحتوي علي قائمة أصناف قصيرة جدا فهي تتكون من صنفين
سندوتش فول و سندوتش فول بالبيض
له طريقه خاصه في تحضير الفول لم اجدها عند غيره
هو لا يهرس الفول لكنه يضربه في خلاط كبير جدا
و البيض يكون مسلوق ثم يقطع علي الفول
بدأت رحلتي مع سندوتشات عم علي من تانيه ابتدائي
القائمة كانت سندوتش فول 10 قروش و سندوتش فول بالبيض 15 قرش
مره هربت من المدرسه في الفسحه كان في جزء مكسور من السور علشان اجيب السندوتشات و ارجع انا فاكر مصروفي ساعتها كان ربع جنيه كنت بشتري اتنين بالبيض و كان عادي بياخد الربع جنيه مع ان التمن 30 قرش تقدرو تقولو ان اغلب المدرسه كانت بتعمل كده
في اعدادي القائمه كانت سندوتش فول 15قرش و سندوتش فول بالبيض 20 قرش
الحساب كان 40 قرش مصروفي كان نص جنيه بس عم علي كان لازم يرجع البريزه الباقي
في ثانوي المصروف جنيه
و القائمة كانت سندوتش فول 25 قرش و سندوتش فول بالبيض30 قرش
كل فتره كنت بغير المدرسه لكن عم علي كان ديما موجود لان المحل بين المدارس ابتدائي و اعدادي و ثانوي
الاسعار اتغيرت و عم علي كبر و انا خلصت دراسه
لكن طعم السندوش و السعاده الي بكون فيها لما اكل من عنده متغيرتش
يمكن علشان بفتكر و انا لسه 7 سنين و بشب علشان اديله الربع جنيه جايز
الاجازة الي فاتت رحت اكل من عنده معرفتش امسك الضحكه لما قالي طلباتك يا استاذ
استاذ ايه ياعم علي دا انت الاستاذ الوحيد الي فضل موجود من ايام المدرسه
...مش عارف هيكون موجود الاجازه دي ولا
posted by KazaBaza @ 4:38 PM
16 comments
